«Mykje av svaret på klimakrisa ligg i norsk industri. Det bør regjeringa gjere meir for å støtte opp om.»

Gjev det meining at vi sparer til framtidige generasjonar i oljefondet, men samstundes let vere å satse på prosjekt som både kan redde klimaet og skape arbeidsplassar i framtida?

Det er ein revolusjon på gang på sjøen. Fleire selskap seier dei no kan bygge snøggbåtar som kan gå i 30 knop i fire timar utan å sleppe ut eit gram CO₂. Det er nok til å klare ruta Bergen-Florø like raskt som dagens dieselslukande katamaran. Eit selskap seier dei til og med kan klare 45 knop.