Algar skal eta boss, reinsa røyk for CO₂ og bli til laksefôr

Eit demonstrasjonsanlegg for algeproduksjon på Kokstad kan bli reine kinderegget for miljøet.

På Postens området på Kokstad i Bergen skal gründerverksemda Algaepro dyrka algar. Demoanlegget skal byggast i tilknyting til eit nytt forbrenningsanlegg der Bir skal brenna treavfall, og levera varmt vatn inn på BKKs fjernvarmenett. Algane skal fôrast med matavfall frå Bir og dessutan bruka CO₂ frå forbrenninga.